An d\u00e9l\u00e9gasion esp\u00e9sialis kokodil s\u00f2ti jik an Frans pou \u00e9s\u00e9y\u00e9 kol\u00e9 Joj. Nou t\u00e9 ja di pa ni lontan, Joj pa t\u00e9 tou sel pas asipar\u00e9 komkidir\u00e9 yo t\u00e9 k\u00e9 w\u00e8 plizi\u00e8 kokodil (Joj, j\u00f2jet, j\u00f2jina \u00e9 i t\u00e9 menm ni an piti jordi).<\/p>\n
Poulemoman ni moun ka mand\u00e9 poutji yo ka anmerd\u00e9 Joj. Poutji yo pa ka al\u00e9 chach\u00e9 Poudin pou mennen\u2019y \u00ab\u00a0La Cour P\u00e9nale Internationale\u00a0\u00bb kon yo t\u00e9 f\u00e8 pou an pr\u00e9sidan afritjen\u00a0?<\/p>\n
Ni dot ka mand\u00e9 sa ki l\u00e9 yo kit\u00e9 Joj trantjil, kol\u00e9\u2019y ek ladj\u00e9\u2019y an jaden s\u00e9 moun-tala.<\/p>\n
An sel pol\u00e9mik ka al\u00e9 toupandan ladj\u00e8 ka p\u00e9t\u00e9 fwa moun pab\u00f2 Likr\u00e8n. S\u00e9 Ris-la pa ka tann mach, yo jik ladj\u00e9 an bonm anl\u00e8 an lizin nikl\u00e9y\u00e9. Chonj\u00e9 sa ki t\u00e9 fet Tchernobil an menm p\u00e9yi-tala.<\/p>\n
Es sa p\u00e9\u00a0 k\u00e9 f\u00e8 an retour de flam anl\u00e8 nou\u00a0?<\/p>\n
Es sa p\u00e9 k\u00e9 riv\u00e9 jik isi-a kon sab Sahara-a\u00a0?<\/p>\n
An menm balan-an Mano Makawon ni lentansion vr\u00e9y\u00e9 an ti-let ba moun. Ni anlo ki ja di yo p\u00e9 k\u00e9 menm wouv\u00e9\u2019y, m\u00e9 s\u00e8vi\u2019y kom papi\u00e9 swiy\u00e9 oben si zot l\u00e9 papi\u00e9 iji\u00e9nik.<\/p>\n
Ni an konp\u00e8 Adjilb\u00e8 ki pa enmen f\u00e8 lafet pies, i di konsa\u00a0:<\/p>\n
Misi\u00e9 pa ni labitid anmerd\u00e9 p\u00e8sonn, asir\u00e9 zaf\u00e8 kouv\u00e8dif\u00e9 ek mas-la t\u00e9 k\u00e9 dit.<\/p>\n
M\u00e9 yo r\u00e9ponn-li, pr\u00e8mi\u00e9 minis-la fini di mas k\u00e9 dit pou le 15 mas. Misi\u00e9 di kanmenm\u00a0:<\/p>\n
Es s\u00e9 an fig\u00a0?<\/p>\n
Anlo moun ka di, yo p\u00e9 k\u00e9 kouyonnen yo, pas ni trop moun ka pran f\u00e8 \u00e9pi ladj\u00e8-a pab\u00f2 Likr\u00e8n.<\/p>\n
Jid<\/p>\n
\u00ab\u00a0<\/strong>Jako pa konnet goumen, plim-li al\u00e9 ladj\u00e8<\/em>\u00a0\u00bb<\/strong><\/p>\n