Dépi yonndé jou ladwàn ka fouré lanmen’y fon an poch moun ka koumandé koli ka antré pa Lapos. Magré ou ja péyé taks ladwàn an Frans, lè koli-a rivé isi-a, ou ka péyé anlot taks yo kriyé « Octroi de mer ». Dépi févriyé ou ka péyé konmen lajan taks délè pres pri machandiz-la ou koumandé-a.
Moun ka wouspété, ka fè pétision, ka vréyé labou, mé poulemoman si ou pa péyé ou pa ka trapé koli’w.
Ladjè-a fè lésans-lan ek gaz-la wosé, machandiz pli chè , si atjelman sa ou koumandé ou pé pa pran’y, lasitiasion ka vini vréman kritik.
Eleksion prézidan Lafrans ka vini ovantatè, si pa ni konflérans ankò épi zafè viryis-la, anlo kandida koumansé fè konmes épi ponmes.
Mé es sé pa ponmes flè mal-papay ?
Kontel Mano Makawon (an prézidan kandida) ponmet bésé lenpo. I sav Taks téren ka pété fwa moun Matinik. Dépi ou chaché mété kò’y alabri épi an kay, ou ka péyé jikatan ou disparet. E lè ou disparet sé fanmiy ou ka pran laba pou kontinié péyé léta ki pa menm édé’w fè kay-la. Adanzafè ponmes-tala, asiparé komkidiré menm pou wawet-la yo trouvé 36 million pou an plan yo kriyé « Sargasse II » i pou diré asou kat lanné.
Mé sa ka vini danjéré, jik an jenn labé kité pas i pa ka rivé tjébé. Erezdibonnè ni moun éti pa ka ladjé kontel fanm ka fè liwon Matinik pou palé ba dot fanm di dwa yo.
An menm balan-an ni Air Sénégal ki anvi vini Fodfrans direk san pasé pa Lafrans, sa sé an ponmes anlo moun ka espéré.
Es sa ké fet pou toutbon, pou dépi jou yo ka palé di sa ?
Ann atandan Ladwàn ka taksé moun aléviré.
Jid
Bel poveb kréyol
« Lajan sé létè »
